Զիդանը՝ Պոգբայի հնարավոր տրանսֆերի մասին

14:32   20 հուլիսի, 2019

Մադրիդի «Ռեալի» ֆրանսիացի գլխավոր մարզիչ Զինեդին Զիդանը խոսել է անգլիական «Մանչեսթեր Յունայթեդի» եւ աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի հնարավոր տրանսֆերի մասին։

«Մինչեւ օգոստոսի 31-ը դեռ շատ բան կարող է տեղի ունենալ, բայց մանրամասների մասին չեմ կարող խոսել։ Մենք գիտենք, թե ինչ են ցանկանում եւ ունենք ծրագիր։ Սա պատասխան է նաեւ Պոգբայի հնարավոր տրանսֆերի մասին հարցերին»,- Զիդանի խոսքը մեջբերում է AS-ը։

«Մանչեսթեր Յունայթեդը» 26-ամյա ֆուտբոլիստի համար ակնկալում է 150-200 միլիոն եվրո։

Անգլիայի անցած առաջնությունում Պոգբան մասնակցել է 35 խաղի, խփել 13 գոլ, Չեմպիոնների լիգայի 9 խաղում խփել է 1 գոլ։

Պոգբայի պայմանագիրն անգլիական թիմի հետ նախատեսված է մինչեւ 2021 թվականը։ Transfermarkt-ը նրա տրանսֆերը գնահատում է 100 միլիոն եվրո։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։