«Յուվենտուսը» Գոնսալո Իգուաինին չի վերադարձրել 9 համարը

00:11   20 հուլիսի, 2019

Իտալիայի չեմպիոն Թուրինի «Յուվենտուսը» արգենտինացի հարձակվող Գոնսալո Իգուաինին չի վերադարձրել 9 համարի խաղաշապիկը, որով նա հանդես էր գալիս անցած մրցաշրջանի առաջին կեսում, մինչեւ Լոնդոնի «Չելսի» վարձակալությամբ տեղափոխվելը։

«Յուվենտուսը» հրապարակել է թիմի նորեկների խաղային համարները։ 31-ամյա Գոնսալո Իգուաինին բաժին է հասել 21 համարը։ Թուրինյան թիմը մեկնել է Սինգապուր՝ մրցաշրջագայության։

Իտալական մամուլը ենթադրում է, որ 9 համարի խաղաշապիկը «Յուվենտուսն» ազատ է թողել Միլանի «Ինտերի» արգենտինացի հարձակվող Մաուրո Իկարդիի համար, որի տրանսֆերը սպասվում է առաջիկայում, գրում է Football Italia-ն։

«Ինտերը» Իկարդիին չի ընդգրկել ասիական մրցաշրջագայության մեկնող կազմում։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։