Չեմպիոնների լիգա․ «Արարատ-Արմենիան» լքեց պայքարը (տեսանյութ)

22:51   17 հուլիսի, 2019

Ֆուտբոլի Հայաստանի չեմպիոն Երեւանի «Արարատ-Արմենիան» Վարդան Մինասյանի գլխավորությամբ դուրս մնաց Չեմպիոնների լիգայից՝ որակավորման առաջին փուլում չհաղթահարելով Շվեդիայի չեմպիոն ԱԻԿ-ի արգելքը։

Ստոկհոլմում տեղի ունեցած պատասխան խաղում ԱԻԿ-ն առավելության հասավ 3։1 հաշվով։ Առաջին խաղակեսում դարպասի գրավում չգրանցվեց, իսկ երկրորդ խաղակեսում 34-ամյա էրիտրեացի հարձակվող Հենոկ Գոյտոմը 5 րոպեում դարձավ դուբլի հեղինակ։ 61-րդ րոպեին շվեդ կիսապաշտպան Սեբաստիան Լարսոնն արդյունավետ իրացրեց ռուսաստանցի դարպասապահ Դմիտրի Աբակումովի դարպասին նշանակած 11 մետրանոցը։

77-րդ րոպեին շվեդական թիմի պաշտպանների կոպիտ սխալից օգտվեց «Արարատ-Արմենիայի» ռուսաստանցի հարձակվող Անտոն Կոբյալկոն, որը դարձավ գոլի հեղինակ։

Առաջին խաղում 2։1 հաշվով հաղթել էր «Արարատ-Արմենիան», որը Եվրոպա լիգայի որակավորման երկրորդ փուլում կմրցի Ջիբրալթարի «Լինքոլնի» հետ:

Չեմպիոնների լիգա, առաջին որակավորման փուլ, պատասխան հանդիպում

ԱԻԿ (Շվեդիա) - «Արարատ-Արմենիա» (Հայաստան)՝ 3։1 (տեսանյութ), (առաջին խաղ՝ 1։2) 

Հենոկ Գոյտոմ, 47, 52, Սեբաստիան Լարսոն, 61, 11մ - Անտոն Կոբյալկո, 77



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։