«Պորտուի» իսպանացի դարպասապահ Իկեր Կասիլյասը չի խաղա հաջորդ մրցաշրջանում։ Նա պաշտոն կստանա պորտուգալական ակումբում, հայտնում է «Պորտուի» մամուլի ծառայությունը։
«Կձգտեմ լինել լավ միջնորդ կազմի եւ ակումբի ղեկավարության միջեւ, կապահովեմ նրանց հարաբերությունները։
Երբ սրտի կաթված ստացա, ակումբի նախագահն ասաց, որ ցանկանում է ինձ տեսնել ակումբում նաեւ այլ դերում։ Նա ցանկանում է, որ ես օգնեմ թիմին եւ միշտ լինեմ ֆուտբոլիստների հետ»,- նշել է Կասիլյասը։
38-ամյա ֆուտբոլիստը կկատարի խորհրդականի եւ ակումբային դեսպանի պարտականություններ։ Նա մեկ տարվա պայմանագիր ունի «Պորտուի» հետ։
Հիշեցնենք, որ մայիսի 1-ին Կասիլյասը սրտի նոպա էր ունեցել եւ վիրահատվել էր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։