Ալեքսանդր Կարապետյան․ 11 մետրանոց կար, ափսոս՝ Ռուսաստանում VAR չկա
23:40 13 հուլիսի, 201911 մետրանոց կար, ափսոս՝ Ռուսաստանում VAR չկա, ասել է Հայաստանի հավաքականի եւ ռուսական «Սոչիի» հարձակվող Ալեքսանդր Կարապետյանը Մոսկվայի «Սպարտակի» հետ հանդիպումից հետո։ Ռուսաստանի առաջնության մեկնարկային տուրում «Սոչին» Մոսկվայում պարտվել է 0։1 հաշվով։ Կարապետյանը նորամուտը նշեց Ռուսաստանի առաջնությունում։
«Իհարկե, ցանկանում էինք գոլ խփել, բայց պետք չէ մոռանալ, որ «Սպարտակի» հետ էինք խաղում։
Հավաքների ժամանակ մեծ աշխատանք ենք կատարել, թիմում գերազանց մթնոլորտ է։ Տոչիլինը մեզ գովեց, ափսոս՝ գոնե մեկ միավոր չվաստակեցինք։ Մենք կարգապահ եւ լավ ցույց տվեցինք։ Արժանի էինք հենց մեկ գոլի։ 11 մետրանոց կար, բայց մրցավարներն էլ են սխալվում, ափսոս՝ Ռուսաստանում VAR չկա»,- Ալեքսանդր Կարապետյանի խոսքը մեջբերում է championat.com-ը։
Հանդիպման միակ գոլը ավելացված ժամանակում խփել է «Սպարտակի» ֆրանսիացի պաշտպան Սամուել Ժիգոն։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։