Թուրինի «Յուվենտուսը» համաձայնության է հասել Ամստերդամի «Այաքսի» հետ հոլանդացի պաշտպան Մատեյս Դե Լիգտի տրանսֆերի հարցում։ Հոլանդական ակումբը 19-ամյա ֆուտբոլիստի տրանսֆերից կստանա 70 միլիոն եվրո, չհաշված բոնուսները, հաղորդում է De Telegraaf-ը։
Բանակցությունները ձգձգվում էին, քանի որ «Այաքսը» պահանջում էր 75 միլիոն եվրո, «Յուվենտուսը» ցանկանում էր վճարել 65 միլիոն։
«Այաքսը» թույլ է տվել Դե Լիգտին չմիանալ թիմին, որը մարզումային հավաք է անցկացնում Ավստրիայում։
Դե Լիգտի ծառայություններով հետաքրքրվում էին նաեւ ֆրանսիական ՊՍԺ-ն եւ կատալոնական «Բարսելոնան»։
Դե Լիգտը «Այաքսի» սան է։ Անցած մրցաշրջանում նա մասնակցել է 55 հանդիպման, խփել 7 գոլ, կատարել 4 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։