Մեսութ Օզիլի տեղափոխությունը «Ֆեներբահչե» անհնար է
16:37 11 հուլիսի, 2019«Ֆեներբահչեն» պաշտոնապես հայտնել է, որ հետաքրքրված չէ Լոնդոնի «Արսենալի» հարձակվող Մեզութ Օզիլի ծառայություններով։
Տարածված լուրերի համաձայն՝ Գերմանիայի ազգային հավաքականի նախկին ֆուտբոլիստը այս ամառ լքելու է ակումբը իսպանացի գլխավոր մարզիչ Ունաի Էմերիի հետ ունեցած տարաձայնությունների պատճառով:
Օզիլը թուրքական արմատներ ունի և պատանեկան տարիներին եղել է «Ֆեներբահչեի» երկրպագու։
«Ֆեներբահչեն» հիանում է ֆուտբոլիստի հաջողություններով, սակայն այս պահին ի վիճակի չէ նրան հրավիրել Ստամբուլ:
Հայտարարության մեջ թուրքական ակումբը նշել է նաև, որ Մեզութ Օզիլը իր փայլուն կարիերայի շնորհիվ ներկայացնում է Թուրքիան արտասահմանում, ինչն անչափ կարևոր է: Այդուամենայնիվ, ստեղծված տնտեսական պայմանների հետևանքով և հաշվի առնելով այն փաստը, որ Օզիլն «Արսենալում» շաբաթական 350 հազար ֆունտ ստերլինգ աշխատավարձ է ստանում, թուրքական ակումբը չի կարող իրեն թույլ տալ հանդես գալ նման առաջարկով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։