«Մանչեսթեր Սիթին» հետաքրքրվում է Դանի Ալվեսի ծառայություններով

14:49   11 հուլիսի, 2019

Բրազիլիայի հավաքականի պաշտպան Դանի Ալվեսը հնարավոր է այս ամռանը միանա Անգլիայի չեմպիոն «Մանչեսթեր Սիթիին»։ Ֆրանսիայի չեմպիոն ՊՍԺ-ից հեռանալուց հետո Ալվեսն ունի ազատ գործակալի կարգավիճակ։ Կատալոնացի Խոսեպ Գվարդիոլայի գլխավորած թիմը ցանկանում է մեկ տարվա պայմանագիր առաջարկել 36-ամյա ֆուտբոլիստին։ Գվարդիոլան ու Ալվեսը միասին աշխատել են «Բարսելոնայում»։ Կողմերն արդեն բանակցում են, հաղորդում է Globo Esporte-ն։

Հիշեցնենք, որ Դանի Ալվեսը դարձավ առաջին ֆուտբոլիստը, որը կարիերայի ընթացքում նվաճեց 40 տիտղոս։

Ալվեսը Բրազիլիայի հավաքականի հետ երկրորդ անգամ նվաճեց Ամերիկայի գավաթը։ Երկու անգամ էլ նա ազգային թիմում դարձել է Կոնֆեդերացիաների գավաթի խաղարկության հաղթող։

36 տիտղոս էլ Ալվեսը նվաճել է «Սեւիլիայի», «Բարսելոնայի», «Յուվենտուսի» եւ ՊՍԺ-ի հետ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։