ՊՍԺ-ն տուգանել է Նեյմարին 375 հազար եվրոյով
09:10 11 հուլիսի, 2019Ֆրանսիայի չեմպիոն ՊՍԺ-ն թիմի բրազիլացի հարձակվող Նեյմարի աշխատավարձից կպահի 375 հազար եվրո։ Այդքան տուգանք է նախատեսված ֆուտբոլիստներին նախապատրաստական փուլի մարզումային ճամբար չներկայանալու համար, հաղորդում է Goal.com-ը։
ՊՍԺ-ն պաշտոնական հայտարարությամբ արձանագրել էր, որ բրազիլացի հարձակվողը հուլիսի 8-ին պետք է ներկայանար ակումբ, սակայն չի ժամանել։
Դրանից հետո Նեյմարի հայրը հայտարարեց, որ փարիզյան ակումբում տեղյակ են եղել, որ Նեյմարը Instituto Neymar Jr. բարեգործական հիմնադրամի գործունեության հետ կապված պետք է մեկ շաբաթ ուշ միանար թիմին։ Նեյմարի հայրը որդու գործակալն է։
Նեյմարը հայտարարել է, որ չի ցանկանում մնալ ՊՍԺ-ում։ Ֆրանսիական ակումբի ղեկավարությունը արձագանքել է, որ ոչ ոք չի ստիպել Նեյմարին կնքել պայմանագիր, եւ նա պարտավոր է կատարել այն։ «Բարսելոնայի» նախագահը հայտարարել է, որ գիտի Նեյմարի վերադառնալու ցանկության մասին, սակայն ՊՍԺ-ի ղեկավարությունը մտադրություն չունի վաճառել նրան։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։