«Բարսելոնան» մտադիր չէ 200 միլիոն եվրոյից շատ վճարել Նեյմարի համար
23:40 10 հուլիսի, 2019«Բարսելոնան» մտադիր չէ ՊՍԺ-ի 27-ամյա բրազիլացի հարձակվող Նեյմարի տրանսֆերի համար 200 միլիոն եվրոյից ավելի վճարել, գրում է իսպանական Marca-ն։
Կատալոնական ակումբը չի շտապում եւ սպասում է ֆուտբոլիստի եւ ՊՍԺ-ի հարաբերությունների սրմանը։ Եթե Նեյմարը հուլիսի 15-ին չմիանա փարիզյան ակումբին, ապա ՊՍԺ-ն ստիպված կլինի նվազեցնել նրա տրանսֆերային գինը, քանի որ ֆրանսիական թիմի գլխավոր մարզիչ Թոմաս Տուխելը չի ցանկանա աշխատել հեռանալու մտադրություն ունեցող ֆուտբոլիստի հետ։ Գերմանացի մասնագետն անցած մրցաշրջանում էլ մի քանի անգամ դժգոհություն է հայտնել թիմի աստղերի վարքի վերաբերյալ։
Հիշեցնենք, որ 2017-ին Նեյմարը «Բարսելոնայից» ՊՍԺ է տեղափոխվել 222 միլիոն եվրոյով։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։