«Մանչեսթեր Յունայթեդը» 180 միլիոն եվրո է պահանջում Պոգբայի համար
10:53 10 հուլիսի, 2019Անգլիական «Մանչեսթեր Յունայթեդը» աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի համար պահանջում է 180 միլիոն եվրո, գրում է իսպանական Marca-ն։ Մանչեսթերյան ակումբը մտադրություն չունի այս ամռանը վաճառել ֆուտբոլիստին, որն արդեն հայտարարել է ակումբը փոխելու ցանկության մասին։
Պոգբային ձեռք բերելու ցանկություն ունեն Մադրիդի «Ռեալն» ու Թուրինի «Յուվենտուսը»։
Այժմ Պոգբան նորվեգացի Ուլե-Գունար Սուլշերի գլխավորած թիմի հետ մեկնել է Ավստրալիա, որտեղ կանցկացնեն 10-օրյա մարզումային հավաք եւ երկու ընկերական հանդիպում, այնուհետեւ կմեկնեն Սինգապուր եւ Շանհայ։
Անգլիայի անցած առաջնությունում Պոգբան մասնակցել է 35 հանդիպման, խփել 13 գոլ, կատարել 9 գոլային փոխանցում։
Նրա պայմանագիրը «Մանչեսթեր Յունայթեդի» հետ նախատեսված է մինչեւ 2021 թվականը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։