Ֆուտբոլի Հայաստանի ազգային հավաքականի պաշտպան Գաել Անդոնյանն առաջին հանդիպումն է անցկացրել ֆրանսիական «Այաչոյում»։
24-ամյա ֆուտբոլիստը մեկնարկային կազմում մասնակցել է ֆրանսիական «Պո» թիմի հետ ընկերական խաղին։ «Այաչոն» պարտվել է 1։2 հաշվով։ Անդոնյանն անցկացրել է առաջին խաղակեսը։
Նա փորձաշրջան է անցնում Կորսիկան ներկայացնող թիմում, որը հանդես է գալիս երկրորդ լիգայում։
Հիշեցնենք, որ Գաել Անդոնյանը 2015 թվականին է նորամուտը նշել Հայաստանի հավաքականում, որի կազմում անցկացրել է 23 հանդիպում: Նախորդ տարի նա փորձաշրջան էր անցել անգլիական «Սանդերլենդի» երիտասարդական թիմում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։