Ֆուտբոլի Հայաստանի հավաքականի կիսապաշտպան Արաս Օզբիլիսը թուրքական «Բեշիկթաշում» կստանա դրսեւորվելու եւս մեկ հնարավորություն։ Այդ մասին NEWS.am Sport-ի թղթակցի հետ զրույցում պատմեց Օզբիլիսը։ 29-ամյա ֆուտբոլիստը մեկ տարվա պայմանագիր ունի ստամբուլյան ակումբի հետ։
«Հոլանդական «Վիլլեմ Երկրորդ» վարձակալությամբ տեղափոխվելուց առաջ մեկ տարով երկարաձգել էի պայմանագիրս «Բեշիկթաշի» հետ։ Հիմա թիմն ունի նոր մարզիչը, որը ցանկանում է ծանոթանալ իմ հնարավորություններին եւ դրսեւորվելու շանս տալ։ Առաջիկայում պարզ կդառնա՝ կմնամ «Բեշիկթաշում», թե կհեռանամ»,- նշեց Օզբիլիսը։
«Բեշիկթաշի» գլխավոր մարզիչ է նշանակվել Աբդուլա Ավչին, որը փոխարինել է Թուրքիայի հավաքականը գլխավորած Շենոլ Գյունեշին։
Օզբիլիսն անցած մրցաշրջանում վարձակալությամբ խաղում էր Հոլանդիայում՝ 18 խաղում խփելով երկու գոլ եւ կատարելով երկու գոլային փոխանցում։
Սամվել Սուքիասյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։