Բրազիլիան 9-րդ անգամ նվաճեց Ամերիկայի գավաթը

01:57   8 հուլիսի, 2019

Ֆուտբոլի Բրազիլիայի հավաքականը 9-րդ անգամ նվաճեց Ամերիկայի գավաթը։ Բրազիլիայում անցկացված մրցաշարի եզրափակիչում Տիտեի գլխավորած թիմը Ռիոյի «Մարականա» ստադիոնում առավելության հասավ Պերուի հավաքականի նկատմամբ՝ 3։1։

15-րդ րոպեին Դանի Ալվեսի սկսած գրոհը գոլով ավարտեց «Գրեմիոյի» հարձակվող Էվերտոնը։ Գոլային փոխանցումը կատարեց «Մանչեսթեր Սիթիի» հարձակվող Գաբրիել Ժեզուսը, որն առաջին խաղակեսի ավելացված ժամանակում նաեւ գոլ խփեց։ Արդյունավետ փոխանցումը կատարեց «Բարսելոնայի» կիսապաշտպան Արթուր Ռամոսը։ 

Պերուն միակ գոլը խփեց 11 մետրանոցից։ ՊՍԺ-ի պաշտպան Տիագո Սիլվան ձեռքով խաղաց սեփական տուգանային հրապարակում եւ Գերերոն չվրիպեց։

70-րդ րոպեին Գաբրիել Ժեզուսը երկրորդ դեղին քարտի համար հեռացվեց։

Վերջին րոպեին 11 մետրանոց նշանակվեց Պերուի թիմի դարպասին եւ հաշիվը 3։1 դարձրեց Ռիշարլիսոնը։

Բրազիլացիները նախորդ անգամ Ամերիկայի գավաթակիր դարձել էին 2007 թվականին։

Ամերիկայի Գավաթ, եզրափակիչ

Բրազիլիա - Պերու՝ 3։1 (տեսանյութ)

Էվերտոն, 15, Գաբրիել Ժեզուս, 45+3, Ռիշարլիսոն, 90 - Խոսե Պաոլո Գերերո, 44, 11մ

Հեռացում՝ Գաբրիել Ժեզուս (Բրազիլիա), 70, երկրորդ դեղին քարտ

Բրազիլիա․ Ալիսոն, Դանի Ալվես, Մարկինյոս, Տիագո Սիլվա, Սանդրո, Կազեմիրո, Արթուր, Կոուտինյո (Էդեր Միլիտաու, 77), Գաբրիել Ժեզուս, Էվերտոն (Ալան, 90+3), Ռոբերտո Ֆիրմինո (Ռիշարլիսոն, 75)։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։