«Ալաշկերտը» ձեռք է բերել 29-ամյա բրազիլացի կիսապաշտպանի
16:02 7 հուլիսի, 2019«Ալաշկերտի» կազմը համալրել է 29-ամյա բրազիլացի հարձակվողական ոճի կիսապաշտպան Գալվաո դա Սիլվա Տիագոն, հաղորդում է ակումբի մամուլի ծառայությունը:
Հայաստանի գավաթակրի նորեկը Սերբիայի Սուպերլիգայում հանդես գալու հարուստ փորձ ունի: Տարբեր տարիների Գալվաոն խաղացել է «Սլոբոդա Ուժիցե», «Չուկարիչկի» և «Բորաց Չաչակ» թիմերում:
Փորձառու բրազիլացի ֆուտբոլիստը պաշտպանել է նաև Մոլդովայի առաջատար ակումբի` «Շերիֆի», նաև Պորտուգալիայի Պրիմերայում հանդես եկող «Շավիշի» գույները:
Գալվաոյի նախորդ ակումբը Մալթայի Պրեմիեր լիգայի «Ֆլորիանան» էր, որի կազմում նա երկու գոլ է խփել ավարտված առաջնության 16 հանդիպումներում:
«Ալաշկերտի» նորեկը մասնակցել է օրեր առաջ կայացած Հայաստանի Մ-19 հավաքականի հետ ստուգողական հանդիպմանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։