Դանիելե Դե Ռոսին որոշել է սկսել մարզչական կարիերա

Իտալական «Ռոմայի» նախկին կիսապաշտպան Դանիելե Դե Ռոսին որոշել է ավարտել խաղացողի կարիերան, հաղորդում է Football Italia-ն։

Դե Ռոսին ունեցել է առաջարկներ «Սամպդորիայից», «Միլանից» եւ ՄԼՍ-ի մի քանի ակումբներից, սակայն նա որոշել է ավարտել խաղացողի կարիերան եւ անցնել մարզչական գործունեության։

Անցած մրցաշրջանի ավարտից հետո Դե Ռոսին հրաժեշտ էր տվել «Ռոմային», որի կազմում անցկացրել է 17 տարի, դարձել Իտալիայի կրկնակի գավաթակիր եւ սուպերգավաթակիր։

2004-2017 թվականներին Դե Ռոսին հանդես է եկել Իտալիայի հավաքականում՝ նվաճելով 2006թ․ աշխարհի չեմպիոնի, 2012թ․ Եվրոպայի փոխչեմպիոնի կոչումները։