Croatia Grand Chess Tour․ Մագնուս Կարլսեն - Լեւոն Արոնյան՝ ոչ ոքի

23:26   5 հուլիսի, 2019

Խորվաթիայի մայրաքաղաք Զագրեբում ավարտին մոտեցող Grand Chess Tour-ի երկրորդ փուլի 9-րդ տուրում հայկական շախմատի առաջատար Լեւոն Արոնյանը սեւերով մրցեց աշխարհի չեմպիոն, նորվեգացի Մագնուս Կարլսենի հետ։ 49-րդ քայլում կողմերը համաձայնեցին ոչ ոքի արդյունքի։

Կարլսենը 6,5 միավորով միանձնյա գլխավորում է մրցաշարային աղյուսակը, կես միավոր է հետ ամերիկացի Ուեսլի Սոն։

Արոնյանը, ամերիկացի Ֆաբիանո Կարուանան եւ ռուսաստանցի Յան Նեպոմնյաշչին 5-ական միավորով բաժանում են 3-5-րդ տեղերը։

Հուլիսի 6-ին կայանալիք նախավերջին տուրում Արոնյանը սեւերով կխաղա չինացի Դին Լիրենի հետ։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։