Ռայոլան Դե Լիգտի տրանսֆերից կստանա 11 միլիոն եվրո
20:28 5 հուլիսի, 2019Ամստերդամի «Այաքսի» պաշտպան Մատեյս Դե Լիգտի տրանսֆերից «Յուվենտուս» 19-ամյա ֆուտբոլիստի իտալացի գործակալ Մինո Ռայոլան կստանա 11 միլիոն եվրո։ Թուրինյան ակումբը կվճարի 80 միլիոն եվրո, հաղորդում է Calciomercato-ն։ Դե Լիգտի տարեկան աշխատավարձը կկազմի 12 միլիոն եվրո։
Մինչեւ Դե Լիգտի տրանսֆերը «Յուվենտուսը» կփորձի վաճառել Ժոաու Կանսելուին, Գոնսալո Իգուաինին եւ Մարիո Մանջուկիչին։ Գրավիչ առաջարկների դեպքում, Իտալիայի չեմպիոնը կվաճառի նաեւ Սամի Խեդիրային եւ Բլեզ Մատյուիդիին։
Անցած մրցաշրջանում Դե Լիգտը «Այաքսի» հետ մասնակցել է 55 հանդիպման, խփել 7 գոլ, կատարել 4 գոլային փոխանցում։
Հիշեցնենք, որ Ռայոլան ներկայացնում է նաեւ Հայաստանի հավաքականի եւ Լոնդոնի «Արսենալի» կիսապաշտպան Հենրիխ Մխիթարյանի շահերը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։