«Աթլետիկոն» հայտարարեց Ժոաու Ֆելիշի տրանսֆերի մասին․ 126 միլիոն եվրո

23:16   3 հուլիսի, 2019

Մադրիդի «Աթլետիկոն» պաշտոնապես հայտարարեց «Բենֆիկայի» եւ Պորտուգալիայի հավաքականի 19-ամյա հարձակվող Ժոաու Ֆելիշի տրանսֆերի մասին։ Ֆուտբոլիստը կկնքի 7 տարվա պայմանագիր։

Մադրիդի Պրադո թանգարանում նկարահանված տեսահոլովակում իսպանական ակումբը նորեկին ողջունել է «Բարի գալուստ, Ժոաու Ֆելիշ։ Իսկական տաղանդ» գրառմամբ։ Նա հանդես կգա 7 համարի խաղաշապիկով։ Այդ համարը պատկանում էր ֆրանսիացի հարձակվող Անտուան Գրիզմանին։

Ֆելիշի համար «Աթլետիկոն» վճարել է 126 միլիոն եվրո։ Գումարի 30 տոկոսը կստանա ֆուտբոլիստի պորտուգալացի գործակալ Ժորժե Մենդեշը։ Ֆուտբոլիստի տարեկան աշխատավարձը կկազմի 6 միլիոն եվրո։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։