#SportLifeVlog. Հայաստանում խաղում են մականախաղ, #interview՝ հայր դարձած Արամ Ավագյանի հետ

09:40   1 հուլիսի, 2019

NEWS.am Sport-ը ներկայացնում է հայկական սպորտի մասին պատմող #SportLife Vlog-ը: Հերթական թողարկման համար Լուսինե Շահբազյանն ուսումնասիրել է մականախաղը, մարզաձեւի հայկական ընտանիքը, պայմանները, խնդիրներն ու զարգացման հեռանկարները, հետեւել մինչեւ 16 տարեկանների Հայաստանի հավաքականի մարզմանը Հրազդան քաղաքում գտնվող մականախաղի համար նախատեսված մարզադաշտում՝ միակը  Հայաստանում:

Մականախաղի Հայաստանի մինչեւ 16 տարեկանների հավաքականը հուլիսի 4-6-ը Բուլղարիայում կմասնակցի Եվրոպայի առաջնությանը:

#SportLifeVlog-ի #interview բաժնի հերոսն այս անգամ պրոֆեսիոնալ բռնցքամարտիկ, WBC International Silver գոտու հաղթող, Հայաստանի հավաքականի նախկին անդամ Արամ Ավագյանն է: Լուսինե Շահբազյանը բռնցքամարտիկի հետ զրուցել է ԱՄՆ-ում կայացած հաղթական մենամարտի, #Canelo շոուին մասնակցելու, Punch Boxing Promotion-ի հետ համագործակցությունը խզելու եւ ամերիկյան Glendale Fighting Club-ին անդամակցելու մասին: Արամ Ավագյանը նպատակ ունի բռնցքամարտիկի կարիերան շարունակել ԱՄՆ-ում եւ հուլիսին կրկին կմեկնի ԱՄՆ: Անցած շաբաթ ծնվեց Արամ Ավագյանի որդին՝ Արտյոմը: #SportLifeVloge ներկա է գտնվել նորածնի ծննդատնից դուրս գրվելուն:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։