ԵԽ-2019․ Հովհաննես Բաչկովը՝ չեմպիոն
15:12 30 հունիսի, 2019Աշխարհի առաջնության բրոնզե մեդալակիր, Եվրոպայի գործող չեմպիոն Հովհաննես Բաչկովը նվաճեց Մինսկում ավարտին մոտեցող Եվրոպական խաղերի բռնցքամարտի մրցաշարի հաղթողի կոչումը։
64 կգ քաշայինների եզրափակիչում Բաչկովի մրցակիցը Սոֆիան Ումիհանն (Ֆրանսիա) էր, որը կիսաեզրափակիչում 5։0 հաշվով հաղթել էր Լյուկ Մաքորմաքին (Մեծ Բրիտանիա)։ Եզրափակիչում Հայաստանի հավաքականի ավագը հաղթեց 3։2 հաշվով։
Բաչկովը։ պայքարը սկսել է 1/8 երզափակիչից, որտեղ 5:0 հաշվով վստահ հաղթանակ էր տարել Իռլանդիան ներկայացնող Ջեյմս Մաք Ժիվերնի նկատմամբ: Քառորդ եզրափակիչում 5։0 հաշվով պարտության էր մատնել հույն Ալեքսանդրոս Ցանիկիդիսին։ Կիսաեզրափակիչում Հովհաննես Բաչկով մենամարտել էր հոլանդացի Էնրիկո Լակրուսի հետ եւ առավելության հասել 4:1 հաշվով:
Եվրոպական խաղերը բռնցքամարտիկների համար 2019թ․ Եվրոպայի առաջնությունն է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.