ԵԽ-2019. Արթուր Դավթյանը 5-րդն է բազմամարտում
17:51 29 հունիսի, 2019Բելառուսի մայրաքաղաք Մինսկում ավարտին մոտեցող Եվրոպական երկրորդ խաղերի սպորտային մարմնամարզության մրցաշարում հունիսի 29-ին տեղի ունեցավ բազմամարտի եզրափակիչը:
Հայաստանի հավաքականի կազմում բազմամարտի եզրափակիչ էր դուրս եկել Եվրոպայի փոխչեմպիոն, Ռիո-2016 Օլիմպիական խաղերի մասնակից Արթուր Դավթյանը: Բազմամարտում Արթուր Դավթյանը 83.632 միավորով 5-րդն է: Ազատ վարժությունում Դավթյանը վաստակեց 13.800 միավոր, նժույգի վարժություն՝ 14.400, օղակներ՝ 13.966, զուգափայտ՝ 14.00, պտտաձող՝ 13.366, իսկ իր հիմնական գործիքի՝ հենացատկում 14.100 միավոր:
Եվրոպական խաղերի չեմպիոնի կոչումը նվաճեց Ռուսաստանը ներկայացնող Դավիթ Բելյավսկին:
Սպորտային մարմնամարզության Հայաստանի հավաքականի առաջարը հանդես կգա նաեւ առանձին գործիքներից հենացատքկի եւ ազատ վարժության եզրափակիչներում, որոնք տեղի կունենան հունիսի 30-ին: Օղակների վարժության եզրափակիչում է նաեւ 2016 թվականի Եվրոպայի փոխչեմպիոն Վահագն Դավթյանը: Նա նույնպես մրցահարթակ դուրս կգա հունիսի 30-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։