Ֆուտբոլի Անգլիայի մինչեւ 21 տարեկանների հավաքականի պաշտպան Աարոն Վան-Բիսական «Քրիսթալ Փելասից» տեղափոխվեց «Մանչեսթեր Յունայթեդ», հաղորդում է մանչեսթերյան ակումբի մամուլի ծառայությունը։ Կողմերը կնքել են հինգ տարվա պայմանագիր։
Sky Sports-ի տվյալներով, 21-ամյա ֆուտբոլիստի համար «Մանչեսթեր Յունայթեդը» վճարել է 45 միլիոն ֆունտ ստերլինգ, նախատեսված է նաեւ 5 միլիոն ֆունտ ստերլինգի հնարավոր բոնուս։
Վան-Բիսական «Քրիսթալ Փելասի» սան է։ Անգլիայի Պրեմյեր լիգայում նորամուտը նշել է 2018թ․ փետրվարին։ Անգլիայի անցած առաջնությունում մասնակցել է 35 հանդիպման, կատարել է 3 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։