ԵԽ-2019․ Կարապետ Չալյանը կպայքարի ոսկե մեդալի համար

Կարապետ Չալյանը դուրս եկավ Մինսկում անցկացվող Եվրոպական խաղերի հունահռոմեական ըմբշամարտի մրցաշարի եզրափակիչ։

77 կգ քաշային կարգի կիսաեզրափակիչում Կարապետ Չալյանը գոտեմարտեց հունգարացի Տամաշ Լորինչի հետ եւ առավելության հասավ 4։1 հաշվով։

Կարապետ Չալյանը 1/8 եզրափակիչում 9։0 հաշվով հաղթել էր Ուկրաինայի ներկայացուցիչ Էլմար Նուրալիեւին, քառորդ եզրափակիչում 2։1 հաշվով պարտության էր մատնել մոլդովացի Իգոր Բեշլեագային։

Հունիսի 29-ին կայանալիք եզրափակիչում Կարապետ Չալյանի մրցակիցը կլինի ռուսաստանցի Ալեքսանդր Չեխիրկինը, որը կիսաեզրափակիչում 8։0 հաշվով հաղթեց թուրք Էմեր Բասար Յունուսին։