Բելառուսի մայրաքաղաք Մինսկում ընթացող Եվրոպական խաղերի բռնցքամարտի մրցաշարում մեկնարկել է մեդալային պայքարը:
60 կգ քաշային կարգում Հայաստանի ներկայացուցիչ Կարեն Տոնականյանը կիսաեզրափակիչում 1։4 հաշվով պարտվեց բելառուս Դմիտրի Ասանաուին եւ բավարարվեց բրոնզե մեդալով։
Կարեն Տոնականյանը պայքարը սկսել էր 1/8 եզրափակիչից, որտեղ 5:0 հաշվով հաղթել էր իսպանացի Կրիստիան Վասկեսին: Քառորդ եզրափակիչում 3։2 հաշվով առավելության էր հասել բրիտանացի Կալում Ֆրենչի նկատմամբ։
81 կգ քաշայինների կիսաեզրափակիչում Գոռ Ներսեսյանը կհանդիպի Մեծ Բրիտանիայի ներկայացուցիչ Բենջիամին Ուիտակերին: Մենամարտը կմեկնարկի 17:30-ին: Իսկ Հովհաննես Բաչկովի մրցակիցը Հոլանդիայի ներկայացուցիչ Էնրիկո Լակրուսն է: Մենամարտը տեղի կունենա Երեւանի ժամանակով 22:00-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։