Ֆուտբոլի Ֆրանսիայի հավաքականի կազմում աշխարհի ու Եվրոպայի չեմպիոն Յուրի Ջորկաեֆը Վանաձորի տեխնոլոգիական կենտրոնում մասնակցում է «Հայաստան Ինժեներական Շաբաթ» միջոցառման փակման արարողությանը։ Աշխարհահռչակ ֆուտբոլիստը միջոցառման հատուկ հյուրն է։
«Բոլոր երկրներում գիտեն, որ ես հայ եմ, քանի որ միշտ նշել եմ իմ ծագման մասին եւ հպարտ եմ դրա համար։ Շատ ուրախ եմ գտնվել Վանաձորում։
Նախարարը պատմեց ինձ Հայաստանում բարձր տեխնոլոգիաների զարգացման մասին եւ ծանոթանալուց հետո տեսա, թե ինչ մեծ ներուժ ունենք։
Նույնը ցանկալի է ֆուտբոլում, որտեղ ունենք Մխիթարյան, բայց դա բավարար չէ։
Իմ խորհուրդն է․ միշտ դրեք մեծ նպատակներ եւ հասեք դրանց։ Դա հաջողության հասնելու առաջին նախապայմանն է»,- նշեց Յուրի Ջորկաեֆը։
Վանաձորի տեխնոլոգիական կենտրոնը խթանում է տեղեկատվական տեխնոլոգիաների ոլորտի զարգացումը Վանաձորում և տարածաշրջանում։
Սամվել Սուքիասյան (Վանաձոր)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։