Լոնդոնի Տրաֆալգարյան հրապարակում բոցավառվել է 14-րդ Պարալիմպիկ խաղերի խորհրդանշական ջահը։ Հանդիսավոր արարողությանը մասնակցել են Մեծ Բրիտանիայի վարչապետ Դեւիդ Քեմերոնը, Լոնդոնի Օլիմպիական խաղերի կազմկոմիտեի նախագահ Սեբաստիան Կոեն եւ Լոնդոնի քաղաքապետ Բորիս Ջոնսոնը։
Ջահը բոցավառել է 2012թ. լոնդոնյան մարաթոնի մասնակից Քլեր Լոմասը, որը հաշմանդամ է դարձել ձիուց ընկնելու պատճառով։
Օգոստոսի 28-ին տեղի ժամանակով երեկոյան 8-ին կմեկնարկի պարալիմպիկ կրակի 24-ժամյա փոխանցումավազքը։ Կմասնակցի 580 ջահակիր։ Փոխանցումավազքը կավարտվի օգոստոսի 29-ին Լոնդոնի օլիմպիական ստադիոնում 14-րդ Պարալիմպիկ խաղերի բացման արարողության ժամանակ, հաղորդում է ВВС-ն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։