Եվրոպական խաղերի կազմակերպման եւ անցկացման համար Բելառուսը ծախսել է 540 միլիոն բելառուսական ռուբլի (մոտ 250 միլիոն դոլար)։ Այդ մասին հայտարարել է Բելառուսի ֆինանսների նախարար Մաքսիմ Երմոլովիչը։
Բյուջեից հատկացվել է 266 միլիոն բելառուսական ռուբլի։ Հովանավորների օգնությունից, տոմսերի վաճառքից եւ վարկային միջոցներից գոյացել է 274 միլիոն բելառուսական ռուբլի, հաղորդում է naviny.by-ը։
Ծախսերի 70 տոկոսն ուղղվել է ենթակառուցվածքի (մարզական կառույցներ, հյուրանոցներ, ճանապարհներ) զարգացմանը։
Եվրոպական խաղերի շնորհիվ Բելառուսում սպասվում է առեւտրի, սպասարկման եւ տուրիստական ոլորտների աճ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։