Պրոֆեսիոնալ բռնցքամարտիկ Արամ Ավագյանը հայր է դարձել (ֆոտո)

23:23   26 հունիսի, 2019

Պրոֆեսիոնալ բռնցքամարտիկ, WBC International Silver գոտու հաղթող, Հայաստանի հավաքականի նախկին անդամ Արամ Ավագյանը հայր է դարձել: Այս մասին NEWS.am Sport-ի թղթակցի հետ զրույցում հայտնեց Արամ Ավագյանը: 28-ամյա բռնցքամարտիկի առաջնեկը տղա է, որին անվանակոչել են Արտյոմ: Զույգն ամուսնացել է 2016 թվականի հոկտեմբերին:

Արամ Ավագյանը բռնցամարտի Հայաստանի հավաքականի առաջատարներից է եղել: 2015թ. Եվրոպայի բրոնզե մեդալակիր է, երկու անգամ Հայաստանի լավագույն մարզիկների տասնյակում է ընդգրկվել, Ռիոյի Օլիմպիական խաղերի մասնակից է: 2016 թվականից Ավագյանը հանդես է գալիս պրոֆեսիոնալ ռինգում: Նախորդ մենամարտն անցկացրել է մայիսի 4-ին Լաս Վեգասում, որտեղ 10 ռաունդանոց մենամարտում պաշտպանել է կիսաթեթեւ քաշային կարգում WBC International Silver գոտին։ Արամ Ավագյանն այժմ ամերիկյան հայտնի Glendale Fighting Club-ի անդամ է, մոսկովյան Punch Boxing Promotion-ի հետ այլեւս չի համագործակցում:

Լուսինե Շահբազյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։