Կրկնակի օլիմպիական չեմպիոնուհի Յանա Եգորյանը ռուսաստանցիներին հորդորել է այցելել Հայաստան

18:41   26 հունիսի, 2019

Սուսերամարտի կրկնակի օլիմպիական չեմպիոնուհի Յանա Եգորյանը ռուսաստանցիներին կոչ է արել ամառային հանգիստն անցկացնել Հայաստանում՝ Ինստագրամում անելով գրառում այդ մասին եւ տեղադրելով հայրենիքի մասին տեսանյութեր։

«Ինձ հաճախ են հարցում, թե ինչու Հայաստան, եւ ոչ Վրաստան։ Չէ որ ծնվել եմ Վրաստանում։

Հայաստանն իմ հայրենիքն է։ Ես ծագումով հայ եմ, ծնողներս Երեւանից են, ես այնտեղ ապրել եմ մինչեւ 6 տարեկան։

Եվ իմ հայրենիքն եմ համարում իմ ծագման երկիրը, իմ նախնիների երկիրը, ոչ թե ծննդավայրս։

Անկասկած Վրաստանը նույնպես ցնցող է եւ իմ սրտում ունի առանձնահատուկ տեղ, բայց հիմա խոսքը Հայաստանի մասին է։

Հայաստանն ամենագեղեցիկ երկիրն է, որը կարող է զարմացնել եւ գրավել ձեր սիրտն առաջին հայացքից։ Դիտեք տեսանյութը մինչեւ վերջ եւ համոզվեք։

Դուք գիտե՞ք, որ Հայաստան մուտքի համար ձեզ պետք չէ ոչ վիզա, ոչ արտասահմանյան անձնագիր։ Բոլորը հասկանում են ռուսերեն, հայերը ձեզ միշտ կհասկանան։ Այո, ճիշտ հասկացաք, հավաքեք ճամպրուկը եւ ուղիղ՝ օդանավակայան։
Ես պարտադիր ցանկանում եմ այս տարի լինել Երեւանում։ Իսկ դուք այս ամռանը պատրաստվո՞ւմ եք այցելել Հայաստան։ Հնարավոր է՝ մենք այնտեղ կհանդիպենք իրար»,- գրել է Յանա Եգորյանը։  



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։