«Բարսելոնան» կավարտի Գրիզմանի տրանսֆերը հուլիսի 1-ից հետո

22:10   25 հունիսի, 2019

Իսպանիայի չեմպիոն «Բարսելոնան» կավարտի Մադրիդի «Աթլետիկոյի» եւ աշխարհի չեմպիոն Ֆրանսիայի հավաքականի հարձակվող Անտուան Գրիզմանի տրանսֆերը հուլիսի 1-ից հետո, հաղորդում է The Telegraph-ը։ Այդ օրը ֆուտբոլիստի պայմանագրով նրա տրանսֆերային գինը կդառնա 120 միլիոն եվրո։ Կատալոնական ակումբը ֆրանսիացի ֆուտբոլիստի հետ պայմանագիրը համաձայնեցրել է դեռ երկու ամիս առաջ։

Մրցաշրջանի վերջում Գրիզմանը հայտարարեց, որ ամռանը կփոխի ակումբը, սակայն չհստակեցրեց, թե որ թիմ է տեղափոխվելու։ Իսպանական մամուլը բազմիցս գրեց, թե «Բարսելոնայի» ֆուտբոլիստները դեմ են Գրիզմանի տեղափոխությանը, քանի որ նա անցած ամռանը հրաժարվել էր ընդունել ակումբի առաջարկը եւ մնացել «Աթլետիկոյում»։

Ավարտված մրցաշրջանում Գրիզմանը «Աթլետիկոյի» հետ մասնակցել է 48 հանդիպման, խփել 21 գոլ, կատարել 10 գոլային փոխանցում։ Նրա պայմանագիրը մադրիդյան ակումբի հետ նախատեսված է մինչեւ 2023 թվականը։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։