«Յունիոր Սևանն» անվանափոխվել է եւ դարձյալ հանդես կգա Առաջին խմբում
17:43 25 հունիսի, 2019Ֆուտբոլի Հայաստանի Առաջին խմբի հաղթող «Յունիոր Սեւանը» հանդես է եկել պաշտոնական հայտարարությամբ․
«Յունիոր Սևան» ՖԱ-ն դարձել է Հայաստանի առաջին խմբի 2018/19 մրցաշրջանի չեմպիոն։ Սակայն Բարձրագույն խմբի առաջնությանը մասնակցելու համար ակումբը չի ստացել արտոնագիր: Այդ առիթով ակումբը ՀՖՖ-ին դիմել էր դիմում-խնդրանքով, որպեսզի բացառության կարգով արտահերթ կերպով ստանար արտոնագիր և առաջիկա մրցաշրջանում հանադես գար Բարձրագույն խմբում։
Սակայն ՀՖՖ-ն մանրամասն ուսումնասիրություններից հետո որոշում է կայացրել, որ «Յունիոր Սևանն» առաջիկա մրցաշրջանում չի կարող հանդես գալ Բարձրագույն խմբում:
Այնուամենայնիվ, մեր ակումբը շնորհակալություն է հայտնում ՀՖՖ-ին, հարգում այդ որոշումը: Վստահ ենք, որ այն կայացվել է՝ արդարության և ողջամտության սկզբունքներից ելնելով:
Առաջիկա մրցաշրջանում մեր ակումբը կրկին հանդես կգա Առաջին խմբի առաջնությունում և կրկին կպայքարի չեմպիոնության և Բարձրագույն խմբում հայտնվելու համար:
Մոտ օրերս կհստակեցվի Սևանի մարզադաշտի աշխատանքների ավարտման ժամկետները և ակումբը առաջիկա մրցաշրջանում հանդես կգա արդեն Սևան քաղաքում:
Առաջիկայում նաև կհայտնենք թիմում նոր համալրումների և թիմից հեռացած ֆուտբոլիստների մասին։ Հունիսի 27-ից թիմը կվերսկսի մարզումները՝ պատրաստվելով նոր մրցաշրջանին։ Սիրով ուզում ենք նաև հայտնել, որ այսուհետեւ ակումբը հանդես կգա նոր անվանումով ՖԱ «Սևան»»։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.