«Մանչեսթեր Յունայթեդի» ֆուտբոլիստները ցանկանում են, որ Պոգբան հեռանա

12:46   24 հունիսի, 2019

«Մանչեսթեր Յունայթեդի» ֆուտբոլիստները ցանկանում են, որ աշխարհի չեմպիոն Ֆրանսիայի հավաքականի կիսապաշտպան Պոլ Պոգբան հեռանա թիմից, գրում է Daily Mail-ը:

Մանչեսթերյան ակումբի ֆուտբոլիստները վստահ են, որ Պոգբայի հեռանալը միայն օգուտ կտա թիմին, քանի որ նա լարված հարաբերություններ ունի թիմի գլխավոր մարզիչ Ուլե-Գունար Սուլշերի հետ: Նորվեգացի մասնագետը եւս դեմ չէ Պոգբայի տրանսֆերին:

26-ամյա Պոգբայի ծառայություններով հետաքրքրված են Մադրիդի «Ռեալն» ու Թուրինի «Յուվենտուսը»:

Անգլիայի ավարտված առաջնությունում Պոգբան մասնակցել է 35 հանդիպման, խփել 13 գոլ:

Նրա պայմանագիրը «Մանչեսթեր Յունայթեդի» հետ նախատեսված  է մինչեւ 2021 թվականը:



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։