«Արարատ-Արմենիայի» առաջատար պաշտպանը հեռացավ

10:03   24 հունիսի, 2019

Ֆուտբոլի Հայաստանի չեմպիոն «Արարատ-Արմենիայից» հեռացել է ռուսաստանցի պաշտպան Վլադիմիր Խոզինը: Երեւանյան ակումբի մամուլի ծառայությունը հայտնում է, որ մեկ ամիս տեւած բանակցություններից հետո չի հաջողվել նոր պայմանագիր կնքել 29-ամյա ֆուտբոլիստի հետ:

Վլադիմիր Խոզինը վարձակալությամբ էր հանդես գալիս «Արարատ-Արմենիայում», նրա տրանսֆերային իրավունքը պատկանում է Եկատերինբուրգի «Ուրալին»:

Վարդան Մինասյանի գլխավորած թիմը մարզումային հավաք է անցկացնում Բելառուսում՝ պատրաստվելով Չեմպիոնների լիգայի որակավորման փուլի հանդիպումներին շվեդական ԱԻԿ-ի դեմ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։