ԵԱ․ Հարություն Հովհաննիսյանը 1 միավորի տարբերությամբ պարտվեց եզրափակիչում

23:20   22 հունիսի, 2019

Իտալիայում անցկացվող ազատ ոճի ըմբշամարտի Եվրոպայի պատանեկան առաջնությունում Հայաստանի ներկայացուցիչ Հարություն Հովհաննիսյանը նվաճեց արծաթե մեդալ։

48 կգ քաշայինների եզրափակիչում հայ ըմբիշը մեկ միավորի տարբերությամբ պարտվեց մակեդոնացի Բեսիր Ալիլիին՝ 6։7։

Հովհաննիսյանը կիսաեզրափակիչում 3։2 հաշվով հաղթել էր ադրբեջանցի Ռամիկ Հեյբաթովին։

Հունիսի 23-ին կայանալիք եզրափակիչ գոտեմարտերում Հայաստանը կունենա երկու ներկայացուցիչ։ 60 կգ քաշային Գենիկ Ասատրյանը կմրցի ադրբեջանցի Սաբիր Ջաֆարովի, 92 կգ քաշային Լյովա Գեւորգյանը՝ ռուսաստանցի Իսլամ Կարտոեւի հետ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։