Արթուր Վանեցյանը սենդվիչ պատրաստեց պատանի ֆուտբոլիստների համար (ֆոտո)
21:08 22 հունիսի, 2019Հայաստանի ֆուտբոլի ֆեդերացիայի նախագահ Արթուր Վանեցյանը Ավանի ֆուտբոլի ակադեմիայում հունիսի 22-ին հանդիպում էր կազմակերպել պատանի ֆուտբոլիստների հետ, որոնք հանդես են գալիս տարբեր ակումբներում:
«14-15 տարեկան պատանիների հետ ոչ ֆորմալ հանդիպում ենք կազմակերպել, որպեսզի ավելի մոտիկից ծանոթանանք, ոգեւորենք երեխաներին, որպեսզի ավելի լուրջ եւ լավ տրամադրվեն իրենց մարզումներին: Հայկական ֆուտբոլի ապագան եւ հույսը այս երեխաներն են, ապագան տեսնում եմ այս երեխաների մեջ: Համոզված եմ, որ այս երեխաները ճիշտ աշխատանքի արդյունքում լավ ֆուտբոլիստներ կդառնան»,- ասաց Արթուր Վանեցյանը:
ՀՖՖ նախագահի հետ հանդիպումը տեղի ունեցավ Ավանի ակադեմիայի լողավազանի մոտ, պատանի ֆուտբոլիստների համար նախատեսված էր հյուրասիրություն: Պատանի ֆուտբոլիստների հետ շփվելուց հետո, Արթուր Վանեցյանն անձամբ երեխաների համար պատրաստեց սենդվիչներ եւ հյուրասիրեց:
ՀՖՖ նախագահը աղջիկներից հետաքրքրվեց նաեւ, թե ինչու չեն օգտվում լողավազանից, իսկ երեխաները պատասխանեցին, որ իրենց թույլ չեն տալիս:
Արթուր Վանեցյանը Ակադեմիայի ղեկավարներից հետաքրքրվեց, թե ինչու թույլ չեն տալիս, ապա իմանալով, որ մաքրման աշխատանքների պատճառով են արգելում, նկատողություն արեց լողավազանի աշխատակիցներին:
Արթուր Վանեցյանը տիկնոջ եւ երեխաների հետ էր եկել պատանի ֆուտբոլիստերի հետ հանդիպմանը:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.