ՈւԵՖԱ-ի գրասենյակում տեղի է ունեցել ֆուտբոլի եվրոպական Չեմպիոնների լիգայի որակավորման երկրորդ փուլի վիճակահանությունը։
Որակավորման առաջին փուլում շվեդական ԱԻԿ-ի արգելքը հաղթահարելու դեպքում, Հայաստանի չեմպիոն Երեւանի «Արարատ-Արմենիան» երկրորդ փուլում կմրցի իսլանդական «Վալյուրի» եւ սլովենական «Մարիբորի» զույգի հաղթողի հետ։
Որակավորման առաջին փուլի առաջին հանդիպումները տեղի կունենան հուլիսի 9-ին կամ 10-ին, պատասխան հանդիպումները՝ հուլիսի 16-ին կամ 17-ին:
Առաջին փուլից դուրս մնալու դեպքում, «Արարատ-Արմենիան» պայքարը կշարունակի Եվրոպայի լիգայի որակավորման երկրորդ փուլում եւ կմրցի «Ֆերոնիկելի» (Կոսովո) - «Լինքոլն» (Ջիբրալթար) դիմակայության պարտվողի հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։