Ադրիեն Ռաբյոն 5 տարվա պայմանագիր կկնքի «Յուվենտուսի» հետ

10:50   19 հունիսի, 2019

Իտալիայի չեմպիոն Թուրինի «Յուվենտուսը» հինգ տարվա պայմանագիր կկնքի Ֆրանսիայի չեմպիոն Փարիզի ՊՍԺ-ի կիսապաշտպան Ադրիեն Ռաբյոյի հետ, հաղորդում է El Chiringuito-ն։

«Յուվենտուսն» ընտրելու համար 24-ամյա ֆուտբոլիստը կստանա 10 միլիոն եվրո բոնուս։ Նրա տարեկան աշխատավարձը կկազմի 7 միլիոն եվրո։

Ռաբյոյի պայմանագիրը ՊՍԺ-ի հետ ավարտվում է հունիսի 30-ին, եւ նա անվճար կտեղափոխվի «Յուվենտուս»։

Ֆրանսիայի ավարտված առաջնությունում Ռաբյոն մասնակցել է 14 հանդիպման, խփել 2 գոլ, կատարել 1 գոլային փոխանցում։ Ձմռանը Ռաբյոն դուրս էր մնացել ՊՍԺ-ի կազմից, քանի որ հրաժարվել էր երկարաձգել պայմանագիրը։



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։