Մատեյս Դե Լիգտը հրաժարվել է տեղափոխվել «Բարսելոնա»

00:40   19 հունիսի, 2019

Հոլանդիայի չեմպիոն եւ գավաթակիր Ամստերդամի «Այաքսի» պաշտպան Մատեյս Դե Լիգտը մերժել է «Բարսելոնա» տեղափոխվելու առաջարկը, հաղորդում է Cadena SER-ը։

19-ամյա հոլանդացի ֆուտբոլիստի գործակալ Մինո Ռայոլան ավելի շահավետ առաջարկներ ունի Թուրինի «Յուվենտուսից», Մյունխենի «Բավարիայից» եւ Փարիզի ՊՍԺ-ից։ «Բարսելոնան» չի ցանկացել բարելավել առաջարկը, եւ ֆուտբոլիստը գործակալի հետ որոշել են չընդունել կատալոնական ակումբի առաջարկը։

Ավարտված մրցաշրջանում Դե Լիգտը «Այաքսի» հետ մասնակցել է 55 հանդիպման, խփել է 7 գոլ, կատարել 4 գոլային փոխանցում։

Դե Լիգտի պայմանագիրը հոլանդական ակումբի հետ նախատեսված է մինչեւ 2021 թվականը։ Նրա տրանսֆերային գինն այժմ գնահատվում է 75 միլիոն եվրո։  



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։