«Ալաշկերտի» առջեւ խնդիր է դրված հաղթահարել Եվրոպայի լիգայի որակավորման առնվազն մեկ կամ երկու փուլ։ Այս մասին NEWS.am Sport-ի թղթակցի հետ զրույցում ասաց ֆուտբոլի Հայաստանի գավաթակիր «Ալաշկերտի» հիմնադիր եւ նախագահ Բագրատ Նավոյանը՝ մեկնաբանելով Եվրոպայի լիգայի որակավորման առաջին փուլի վիճակահանության արդյունքը։
Երեւանյան թիմը կմրցի «Մակեդոնիայի» հետ, որը Մակեդոնիայի առաջնությունում գրավել է 6-րդ տեղը։
«Վիճակահանության արդյունքից մեր խնդիրը չի փոխվել։ Նպատակը հաջորդ փուլ դուրս գալն է։
Հունիսի 21-ից 10-օրյա հավաք կանցկացնենք Հանքավանում։ Հիմա կատարում ենք սելեկցիոն աշխատանք, կթարմացնենք կազմը։
Մտադիր ենք ուժեղացնել կազմը, բոլոր դիրքերում էլ կլինեն օտարերկրացի նորեկներ»,- նշեց Բագրատ Նավոյանը։
Առաջին հանդիպումները տեղի կունենան հուլիսի 11-ին, պատասխան խաղերը՝ հուլիսի 18-ին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։