Թուրինի «Յուվենտուսի» նորանշանակ գլխավոր մարզիչ Մաուրիցիո Սարին ցանկանում է իր ղեկավարած թիմում տեսնել Միլանի «Ինտերի» արգենտինացի հարձակվող Մաուրո Իկարդիին և ՊՍԺ-ի բրազիլացի պաշտպան Մարկինյոսին, հաղորդում է SportItalia-ն։
«Ինտերի» գլխավոր մարզիչ Անտոնիո Կոնտեն ցանկանում է Մաուրո Իկարդիի փոխարեն իր թիմում տեսնել անգլիական «Մանչեսթեր Յունայթեդի» բելգիացի հարձակվող Ռոմելու Լուկակուին։ «Յուվենտուսը» մոտ օրերս պատրաստվում է պաշտոնական առաջարկություն անել միլանցիներին 26-ամյա արգենտինացու համար։
Մարկինյոսի տեղափոխությունն Իտալիա կարող է իրականանալ, եթե ՊՍԺ-ն կարողանա պայմանավորվել «Այաքսի» հետ հոլանդացի պաշտպան Մատեյս դե Լիգտի տրանսֆերի հարցում։
Մարկինյոսը Փարիզ էր տեղափոխվել իտալական «Ռոմայից» 2013 թվականին։ ՊՍԺ-ի կազմում 25-ամյա կիսապաշտպանը մասնակցել է 216 հանդիպման, խփել 16 գոլ։
Մաուրո Իկարդին «Ինտերում» է 2013 թվականից։ Միլանցիների կազմում Իկարդին մասնակցել է 216 հանդիպման, խփել 124 գոլ։ Արգենտինացի հարձակվողը երկու անգամ դարձել է Իտալիայի առաջնության լավագույն ռմբարկու, մեկ անգամ լավագույն ֆուտբոլիստ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։