Աբրամովիչը Լեմպարդին խոստացել է 2 տարի պաշտոնանկ չանել անկախ «Չելսիի» արդյունքից
20:06 16 հունիսի, 2019Լոնդոնի «Չելսիի» ռուսաստանցի սեփականատեր Ռոման Աբրամովիչը բանակցել է «Դերբի Քաունթիի» գլխավոր մարզիչ, 40-ամյա Ֆրենկ Լեմպարդի հետ՝ խոստանալով նրան պաշտոնանկ չանել առաջիկա երկու տարում անկախ թիմի արդյունքներից, գրում է The Times-ը։ Եթե Լեմպարդն ընդունի առաջարկը եւ գլխավորի «Չելսի», ապա կդառնա Աբրամովիչի օրոք առաջին անգլիացի մարզիչը։ Ռուսաստանցի միլիարդատերը անգլիական ակումբը ձեռք է բերել 16 տարի առաջ։
«Չելսիի» գլխավոր մարզիչի պաշտոնը թափուր է Մաուրիցիո Սարիի հեռանալուց հետո։ Իտալացի մասնագետը երեք տարվա պայմանագիր է կնքել Թուրինի «Յուվենտուսի» հետ։
Լեմպարդը «Չելսիում» հանդես է եկել 2001–2014 թվականներին՝ 648 խաղում խփելով 211 գոլ, դառնալով Անգլիայի եռակի չեմպիոն, Չեմպիոնների լիգայի գավաթակիր։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։