Մաուրիցիո Սարին գլխավորեց «Յուվենտուսը»

17:50   16 հունիսի, 2019

Իտալիայի չեմպիոն Թուրինի «Յուվենտուսի» գլխավոր մարզիչի պաշտոնում նշանակվեց Լոնդոնի «Չելսիից» հեռացած Մաուրիցիո Սարին, հայտնում է ակումբի մամուլի ծառայությունը։ 60-ամյա իտալացի մասնագետը կնքել է երեք տարվա պայմանագիր՝ մինչեւ 2022թ․ հունիսի 30-ը։

«Յուվենտուսի» գլխավոր մարզիչի պաշտոնը թափուր էր իտալացի Մասիմիլիանո Ալեգրիի հեռանալուց հետո։ Նա թիմը գլխավորեց 2014-2019 թվականներին։

Սարին «Չելսին» գլխավորել էր անցած ամռանը։ Անգլիական թիմի հետ նա նվաճեց Եվրոպայի լիգայի գավաթը, Անգլիայի Պրեմյեր լիգայում գրավեց երրորդ տեղը՝ ապահովելով Չեմպիոնների լիգայի խմբային փուլի ուղեգիր։

Սարին նախկինում գլխավորել է նաեւ «Նապոլին», «Սորենտոն», «Էմպոլին»։



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։