«Վալենսիայի» կիսապաշտպանն ու «Ռեալի» դարպասապահը՝ U20 WorldCup-ի անհատական դափնեկիրներ

09:09   16 հունիսի, 2019

Լեհաստանում ավարտված ֆուտբոլի աշխարհի երիտասարդական առաջնության (U20 WorldCup) լավագույն խաղացող է ճանաչվել փոխչեմպիոնի կոչումը նվաճած Հարավային Կորեայի եւ իսպանական «Վալենսիայի» կիսապաշտպան Լի Կան Ինը, որն այս մրցաշարում խփեց երկու գոլ, կատարեց չորս գոլային փոխանցում։

Մրցաշարի լավագույն դարպասապահի մրցանակը ստացավ աշխարհի չեմպիոնի կոչումը նվաճած Ուկրաինայի եւ Մադրիդի «Ռեալի» դարպասապահ Անդրեյ Լունինը, որը վեց խաղում բաց թողեց չորս գոլ (երկուսը՝ 11 մետրանոցից), մեկ անգամ հետ մղեց հարված 11 մետրանոցից։

Ուկրաինայի հավաքականը պատմության մեջ առաջին անգամ է հռչակվում մինչեւ 20 տարեկանների աշխարհի չեմպիոն։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։