Ֆուտբոլի Բրազիլիայի հավաքականի գլխավոր մարզիչ Տիտեն մեկնաբանել է Ամերիկայի գավաթի խաղարկության մեկնարկային խաղում բրազիլացի երկրպագուների կողմից սուլոցների փաստը։
«Երբ թիմը վատ է խաղում, պետք չէ սպասել դրական վերաբերմունք երկրպագուներից, նրանք կսուլեն։ Այս երեւույթի հետ բախում են բոլոր թիմերը։ Երբ խաղացողները գնդակը եզրից փոխանցում են կենտրոն, իսկ հետո՝ դարպասապահին, ֆանատները սուլում են։
Բայց պետք է հասկանալ, որ երբեմն խաղը կառուցվում է նաեւ այդպիսի փոխանցումներով։ Միայն առաջ գնալով եւ գեղեցիկ հնարքներով չի լինում խաղը։ Երիտասարդ ֆուտբոլիստները պետք է պատրաստ լինեն նաեւ սուլոցներին»,- Տիտեի խոսքը մեջբերում է Goal.com-ը։
A խմբի առաջին տուրի խաղում բրազիլացիները 3։0 հաշվով հաղթել են Բոլիվիայի թիմին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։