«Ռեալի» հերթական նորեկը

15:08   14 հունիսի, 2019

Մադրիդի «Ռեալը» ձեռք է բերել Ճապոնիայի հավաքականի եւ «Տոկիո» ակումբի կիսապաշտպան Տակեֆուսա Կուբոյին, հայտնում է իսպանական ակումբի պաշտոնական կայքը։

18-ամյա ֆուտբոլիստին անվանում են «ճապոնական Մեսի»։ Հաջորդ մրցաշրջանում նա հանդես կգա Արքայական ակումբի երկրորդ թիմում։

Ոչ պաշտոնական տվյալներով, «Ռեալը» Կուբոյի համար վճարել 2 միլիոն եվրո, կնքել 5 տարվա պայմանագիր՝ տարեկան 1 միլիոն եվրո աշխատավարձով։

Այս տարի Կուբոն Ճապոնիայում մասնակցել է 16 հանդիպման, խփել 5 գոլ, կատարել 4 գոլային փոխանցում։

Կուբոն 2011-2015 թվականներին հանդես է եկել «Բարսելոնայի» ակադեմիայում։ Հետագայում հայտնի դարձավ, որ կատալոնական ակումբը խախտել է մինչեւ 18 տարեկան խաղացողների տրանսֆերային կանոնադրությունը, եւ ֆուտբոլիստը լքեց «Բարսելոնան»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։