Մարադոնան առողջական խնդիրների պատճառով հեռացավ «Դորադոսից»

14:11   14 հունիսի, 2019

Արգենտինայի հավաքականի նախկին խաղացող եւ գլխավոր մարզիչ Դիեգո Մարադոնան առողջական խնդիրների պատճառով հեռացավ մեքսիկական «Դորադոսի» գլխավոր մարզիչի պաշտոնից։ Այդ մասին Թվիթերում հայտնել է Մարադոնայի փաստաբան Մատիաս Մորլան։

«Մարադոնան որոշել է ավարտել աշխատանքը «Դորադոսում»։ Բժիշկները խորհուրդ են տվել ժամանակ հատկացնել առողջությանը։ Նա պետք է ենթարկվի ուսի եւ ծնկի վիրահատության»,- նշել է փաստաբանը։ Մարադոնան հոդաբորբով է տառապում։

Մեքսիկայի երկրորդ դիվիզիոնում հանդես եկող «Դորադոսը» Մարադոնան գլխավորեց մեկ մրցաշրջան։ Նրա հետ թիմը հասավ առաջնության երկու փուլերի (Ապերտուրա, Կլաուսուրա) եզրափակիչ։ Երկու դեպքում էլ, «Դորադոսը» պարտվեց «Աթլետիկո Սան Լուիսին»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։