Norway Chess․ Լեւոն Արոնյանը պարտվեց Ֆաբիանո Կարուանային
22:52 13 հունիսի, 2019Նորվեգիայի Ստավանգեր քաղաքում ընթացող Norway Chess սուպերմրցաշարի նախավերջին տուրում հայկական շախմատի առաջատար Լեւոն Արոնյանը սպիտակ ֆիգուրներով դասական պարտիայում պարտվեց աշխարհի չեմպիոնի նախկին հավակնորդ, ամերիկացի Ֆաբիանո Կարուանային։
Հայ շախմատիստը 9 միավորով մնաց երկրորդ տեղում։ Հաղթողի կոչումն ապահովեց աշխարհի չեմպիոն, նորվեգացի Մագնուս Կարլսենը, որը դասական պարտիայում սպիտակներով հաղթեց երրորդ տեղում ընթացող չինացի Յանջի Յուին եւ 13 միավորով ապահովեց առաջին տեղը։ Յանջի Յուն եւ Կարուանան ունեն 8,5-ական միավոր։
Հունիսի 14-ին կայանալիք վերջին տուրում Արոնյանը սպիտակներով կմրցի աշխարհի նախկին չեմպիոն, հնդիկ Վիշվանաթան Անանդի հետ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։