Մադրիդի «Ռեալի» նորեկ Լուկա Յովիչն Արքայական ակումբում շնորհանդեսից առաջ հաջողությամբ բուժզննում է անցել Մադրիդի Sanitas La Moraleja University հիվանդանոցում, հայտնում է ակումբի մամուլի ծառայությունը։
21-ամյա սերբ հարձակվողի շնորհանդեսը «Սանտիագո Բերնաբեու» ստադիոնում տեղի կունենա հունիսի 12-ին։
21-ամյա ֆուտբոլիստը վեց տարվա պայմանագիր է կնքել։ Ոչ պաշտոնական տվյալներով, տրանսֆերի գինը 65 միլիոն եվրո է։ Վեց տարում ֆուտբոլիստը կվաստակի 70 միլիոն եվրո։
Գերմանիայի ավարտված առաջնությունում Լուկա Յովիչը մասնակցել է 32 հանդիպման, խփել 17 գոլ, կատարել 5 գոլային փոխանցում։
Եվրոպայի լիգայում Յովիչը մասնակցել է 14 հանդիպման, խփել 10 գոլ, կատարել 1 գոլային փոխանցում։ Գերմանական թիմը հասել էր Եվրոպայի լիգայի կիսաեզրափակիչ։
Յովիչը սերբական «Ցրվենա Զվեզդայի» սան է։ Բելգրադի թիմում նա հանդես է եկել 2014-2016 թվականներին, այնուհետեւ տեղափոխվել պորտուգալական «Բենֆիկա», որտեղից մեկ տարի անց վարձակալությամբ միացել էր Ֆրանկֆուրտի թիմին։ Անցած մրցաշրջանում «Այնտրախտը» գնել էր նրա տրանսֆերային իրավունքը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։