Ֆուտբոլի Հայաստանի ազգային հավաքականի գլխավոր մարզիչ Արմեն Գյուլբուդաղյանցը Աթենքում խոսել է Եվրոպայի առաջնության ընտրական մրցաշարի առաջիկա խաղի մասին։
Հայաստանի հավաքականը չորրորդ տուրում կհյուրընկալվի Հունաստանի թիմին։
«Վաղը կարևոր մրցավեճ է, մենք պետք է անենք ամեն ինչ լավ արդյունքի հասնելու համար:
Երբ պետք է մրցես ուժեղ հավաքականի հետ, փորձում ես վերլուծել նրա խաղը, իմանալ ուժեղ ու թույլ կողմերը, սակայն հարկավոր է կենտրոնանալ սեփական խաղի վրա:
Հունաստանի հավաքականում ուժեղ ֆուտբոլիստներ կան: Ամեն ինչ հաշվի ենք առնելու և փորձելու հասնել լավ արդյունքի:
Էրիկ Վարդանյանը ջերմություն ուներ և այդ պատճառով չի կարողացել մեկնել Աթենք:
Չեմ կարծում՝ Լիխտենշտեյնի հավաքականի հետ խաղում ավելի շատ էներգիա ծախսեցինք, քան պետք էր: Մի 10 րոպե եղավ՝ խաղի թելը բաց էինք թողել, եղան վտանգավոր պահեր, Տարոն Ոսկանյանն ու Հայրապետյանը փրկեցին: Խաղն այնպես դասավորվեց, որ պետք էր մինչև վերջ պայքարել:
2 փոքր վնասվածքներ ունենք։ Ոչ մեկին ոչ մի բան չունենք ապացուցելու: Մենք հագնում ենք հավաքականի մարզաշապիկը և պետք է ամեն ինչ անենք, որ բարձր պահենք մեր ազգի պատիվը ամեն խաղում»,- ասել է Արմեն Գյուլբուդաղյանցը:
Հունիսի 11-ին Աթենքում կայանալիք Հունաստան - Հայաստան հանդիպումը կմեկնարկի Երեւանի ժամանակով 22։45-ին։
Սամվել Սուքիասյան (Աթենք)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։